ᓇᖕᒥᓂᖃᖅᑐᓂᒃ ᑮᓇᐅᔭᓕᐅᕈᓐᓇᖅᓯᑎᑦᑎᓂᖅ ᐱᔪᒥᓴᐅᑎᑦ
ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓴᕿᑦᑎᓚᐅᖅᑐᑦ ᒪᕐᕉᖕᓂᒃ ᐃᓕᓐᓂᐊᕈᑎᑦ ᐃᑲᔪᖅᑐᑦ ᐃᓄᖕᓂᑦ ᓇᖕᒥᓂᖁᑎᒋᔭᐅᔪᓂᒃ ᐱᔪᓐᓇᕐᓂᐊᕐᒪᑕ ᒐᕙᒪᒃᑯᓂᑦ ᑳᓐᑐᕌᖕᓂᒃ. ᐅᑯᐊ ᐃᓕᓐᓂᐊᕈᑎᑦ ᐅᖃᖅᑕᐅᓯᒪᔪᑦ ᐃᓚᖓ 24, ᒐᕙᒪᒃᑯᑦ ᑳᓐᑐᕌᖏᑦ, ᓄᓇᕗᒻᒥ ᐊᖏᕈᑎᓂ.
ᐃᓕᓐᓂᐊᕈᑎᑦ ᑐᓴᐅᒪᔭᕆᐊᖃᖅᑕᑦᓯᓐᓂᒃ ᑐᓂᓯᓯᒪᓂᐊᖅᑐᑦ ᐱᔾᔪᑎᒋᓪᓗᒋᑦ ᒐᕙᒪᒃᑯᓂᑦ ᓇᖕᒥᓂᖃᖅᑐᑦ ᑮᓇᐅᔭᓕᐅᕈᑎᒃᓴᖏᓐᓄᑦ ᐊᒻᒪᓗ ᑮᓇᐅᔭᒃᓴᓄᑦ ᑐᑭᖏᑦ ᐊᒻᒪᓗ ᐱᓕᕆᔾᔪᓯᖏᑦ. ᑐᓂᓯᓯᒪᔪᑦ ᖃᐅᔨᒪᔾᔪᑎᒋᔪᓐᓇᖅᑕᑦᓯᓐᓂᒃ ᐊᒻᒪᓗ ᑐᓴᐅᒪᓂᐊᖅᑕᑦᓯᓐᓂᒃ ᖃᓄᖅ ᕿᓂᕈᓐᓇᕐᒪᖔᑦᓯ ᐊᒻᒪᓗ ᖃᓄᖅ ᓴᓇᔭᒃᓴᖅᑖᕈᓐᓇᕐᒪᖔᑦᓯ ᒐᕙᒪᒃᑯᓂᑦ ᐊᒻᒪᓗ ᖃᓄᖅ ᐱᑎᑕᐅᔪᓐᓇᕐᒪᖔᑦᓯ ᒐᕙᒪᒃᑯᑦ ᑮᓇᐅᔭᒃᓴᖏᓐᓂᑦ.
ᑮᓇᐅᔭᒃᓴᖅ ᑕᒪᑐᒧᖓ ᓇᖕᒥᓂᖃᖅᑐᓕᕆᓂᕐᒧᑦ ᑮᓇᐅᔭᓕᐅᕐᑎᑦᑎᕐᒥ ᖃᐅᔨᒪᓕᕐᑎᑦᑎᓂᕐᒧᑦ ᐱᔪᒥᓴᐅᑎᒃᓴᐃᑦ ᑐᓂᔭᐅᓯᒪᔪᖅ ᐃᓄᓕᕆᔨᑐᖃᒃᑯᑦ ᑲᓇᑕ ᐊᒻᒪᓗ ᕿᑭᖅᑖᓗᒃ ᑯᐊᐳᕆᓴᓐ ᐃᖃᓗᓕᕆᔨᒃᑯᑦ ᐊᐅᓚᑦᓯᕕᖓᓂᑦ.
