ᑐᓂᓯᓂᖅ ᓇᑉᐸᕆᐊᖃᖅᑐᓂᒃ ᖁᑎᒃᑐᕐᒥᐅᓄᑦ
ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓴᓇᔨᖃᖅᑐᑦ ᐱᓕᕆᐊᒃᓴᓄᑦ ᐊᐅᓚᑦᓯᔨᒥᒃ ᑭᒡᒐᖅᑐᖅᖢᒍ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒥᓱᓄᑦ ᓇᑉᐸᕆᐊᓕᖕᓄᑦ ᐱᓯᒪᓂᖃᖅᑐᑦ ᑕᓪᓗᕈᑎᐅᑉ ᐃᒪᖓ ᑲᓇᑕᒥ ᑕᕆᐅᖓ ᓴᐳᒻᒥᔭᐅᔪᖅ. ᑕᒪᐅᓐᓇ ᑕᓪᓗᕈᑎᐅᑉ ᐃᒪᖓ ᐃᓄᖕᓄᑦ ᐊᒃᑐᐃᓂᖓᓄ ᐊᒻᒪᓗ ᐃᑲᔫᓯᐊᖅᑖᕈᑎᒃᓴᓄᑦ ᐊᖏᕈᑎᑦ ᐊᒻᒪᓗ ᑐᕙᐃᔪᐃᑦᑐᖅ ᐊᖏᕈᑎᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐋᔩᖃᑎᒌᖃᑦᑕᖅᓯᒪᕗᑦ ᑮᓇᐅᔭᒃᓴᓂᒃ ᐊᑑᑎᖃᖅᑐᓄᑦ ᓇᑉᐸᕆᐊᖃᖅᑐᓄᑦ ᐃᑲᔫᑎᒋᓂᐊᖅᑐᓄᑦ ᐱᐅᖅᓱᐊᕈᑎᒃᓴᑦ ᒪᑭᒪᔾᔪᑎᒃᓴᖏᓐᓄᑦ ᑕᓪᓕᒪᑦ ᖁᑎᒃᑐᕐᒥ ᑕᓪᓗᕈᑎᐅᑉ ᐃᒪᖓᓂ ᓄᓇᓖᑦ – ᐃᒃᐱᐊᕐᔪᒃ, ᑲᖏᖅᖢᒑᐱᒃ, ᒥᑦᑎᒪᑕᓕᒃ, ᖃᐅᓱᐃᑦᑐᖅ ᐊᒻᒪᓗ ᐊᐅᓱᐃᑦᑐᖅ.
ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓯᕗᓕᐅᕆᓂᐊᖅᑐᑦ ᐱᓕᕆᐊᒃᓴᓄᑦ ᐊᐅᓚᑦᓯᔨᐅᓗᑎᒃ ᐸᕐᓇᐃᓗᑎᒃ ᑕᓪᓕᒪᓄᑦ ᐊᔾᔨᒌᓐᖏᑦᑐᓄᑦ-ᐊᑐᖅᑕᐅᓂᐊᖅᑐᑦ ᐃᒡᓗᑦ ᓂᕆᕕᖃᕐᓗᓂ ᐃᓗᐊᓂ ᐊᑐᓂ ᑕᓪᓕᒪᓄᑦ ᓄᓇᓕᖕᓂ ᐊᒻᒪᓗ ᐊᕕᒃᑐᖅᓯᒪᔪᓂ ᐱᔭᕆᐅᖅᓴᕕᒃ ᒥᑦᑎᒪᑕᓕᖕᒥ.