ᑕᐃᒎᓯᑦ

ᓇᖕᒥᓂᖃᖅᑐᑦ ᑮᓇᐅᔭᓕᐅᕈᓐᓇᐅᑎᖏᑦᑕ ᑐᑭᖏᑦ

ᓂᐅᕕᖅᑐᖅ
ᐅᓇ ᓂᐅᕕᖅᑐᖅ ᐃᓄᒃ ᐅᒡᕙᓘᓐᓃᑦ ᑲᒻᐸᓂ ᐅᑯᐊ ᓂᐅᕕᖅᑐᑦ ᐱᖁᑎᓂᒃ ᐅᒡᕙᓘᓐᓃᑦ ᐊᑭᓖᔪᑦ ᐱᔨᑦᑎᕋᐅᑎᖕᓄᑦ
ᓂᐅᕕᖅᑎᑦᑎᔪᖅ (ᑕᐃᔭᐅᓲᖅ ᓂᐅᕕᐊᒃᓴᓕᑦ)
ᐅᓇ ᓂᐅᕕᖅᑎᑦᑎᔪᑦ ᐃᓄᒃ ᐅᒡᕙᓘᓐᓃᑦ ᑲᒻᐸᓂ ᑐᓂᓯᔪᖅ ᐱᖁᑎᓂᒃ ᐅᒡᕙᓘᓐᓃᑦ ᐱᔨᑦᑎᕋᐅᑎᓂᒃ.
ᑐᒃᓯᕋᖅᑐᑦ ᑐᓴᕐᑎᑦᑎᓂᖓ (ᐅᓇᑦᑕᐅᖅ ᑕᐃᔭᐅᓲᖅ ᐊᑭᑦᑐᕋᐅᑎ)
ᐅᓇ ᑐᒃᓯᕋᖅᑐᖅ ᑕᐃᑲᓂ ᓂᐅᕕᕈᒪᔪᖅ ᐱᔪᒪᕗᖅ ᐱᖁᑎᓂᒃ ᐅᒡᕙᓘᓐᓃᑦ ᐱᔨᑦᑎᕋᐅᑎᓂᒃ
ᑐᓂᓯᖁᔨᔪᖅ
ᐅᓇ ᑐᓂᓯᖁᔨᔪᖅ ᓂᐅᕕᖅᑎᑦᑎᔪᖅ ᑭᐅᓯᔪᖅ ᑐᑭᓯᕋᖅᑐᒧᑦ. ᑭᐅᓯᓲᑦ ᖃᓄᖅ ᐊᑭᖃᕋᔭᒃᓂᖓᓂᒃ, ᓴᒡᕙᐃᔪᑦ ᐅᒡᕙᓘᓐᓃᑦ ᑐᒃᓯᕋᐅᑎᑦᑎᒍᑦ
ᓴᒡᕙᐃᓂᖅ
ᐅᓇ ᓴᒡᕙᐃᓂᖅ ᐊᕕᒃᑐᖅᓯᒪᓪᓗᒍ ᑕᒪᕐᒥᒃ ᐊᑭᑲᖅᑐᓂᒃ ᓂᐅᕕᖅᑎᑦᑎᓂᐊᖅᑐᖅ ᑐᓂᓯᓂᐊᖅᑎᓪᓗᒍ ᐱᖁᑎᓂᒃ ᐅᒡᕙᓘᓐᓃᑦ ᐱᔨᑦᑎᕋᐅᑎᓂᒃ
ᑐᒃᓯᕋᐅᑎ
ᐅᓇ ᑐᒃᓯᕋᐅᑎ ᐃᓚᖃᖅᑐᖅ ᐊᑭᖓᓂᒃ ᐊᒻᒪᓗ ᑎᑎᕋᖅᓯᒪᔪᖅ ᐸᕐᓇᐅᑎ ᖃᓄᖅ ᓂᐅᕕᕐᑎᑦᑎᔪᖅ ᐱᔭᕇᕐᓂᐊᕐᒪᖔᑦ ᓴᓇᔭᒃᓴᒥᓂᒃ
ᑐᒃᓯᕋᖅᑐᖅ ᖃᑦᓯᑖᓚᑐᕋᔭᕐᒪᖔᑦ (ᑕᐃᔭᐅᔪᖅᑕᐅᖅ ᑐᒃᓯᕋᖅᑐᖅ ᖃᑦᓯᓂᒃ ᐊᑭᓕᖅᓯᒐᔭᕐᒪᖔᖅᐱᑦ)
ᐅᓇ ᑐᒃᓯᕋᖅᑐᖅ ᖃᑦᓯᓂᒃ ᐊᑭᓕᖅᓯᒐᔭᕐᒪᖔᖅᐱᑦ ᐊᑐᖅᑕᐅᓲᖅ ᓂᐅᕕᖅᑐᖅ ᐱᔪᒪᔪᖅ ᖃᑦᓯᒥᒃ ᐊᑭᖃᖅᐸ ᐱᖁᑎᒧᑦ ᐅᒡᕙᓘᓐᓃᑦ ᐱᔨᑦᑎᕋᐅᑎᒧᑦ
ᐊᑭᖓ
ᐅᓇ ᓂᐅᕕᕐᑎᑦᑎᔪᖅ ᑐᓂᔭᖓ ᑖᔅᓱᒧᖓ ᓂᐅᕕᖅᑐᒧᑦ vᑕᐃᒫᒃ ᐋᕿᒃᓯᒪᔪᖅ ᖃᑦᓯᑖᓚᐅᓂᐊᕐᓂᖏᓐᓂᒃ ᐱᖁᑎᑦ ᐅᒡᕙᓘᓐᓃᑦ ᐱᔨᑦᑎᕋᐅᑎᑦ
ᐱᔪᒪᔪᑦ ᐊᑭᑦᑐᕋᐅᑎᓂᒃ
ᐅᒡᕙᓘᓐᓃᑦ ᑐᒃᓯᕋᐅᑎᑦ ᐊᑭᑦᑐᕋᐅᑎᓂᒃ
ᐊᑭᑦᑐᕋᐅᑎᑦ/ᑐᒃᓯᕋᐅᑎᑦ ᐊᑭᑦᑐᕋᐅᑎᑦᑎᒍᑦ ᐊᑐᖅᑕᐅᓲᖅ ᑕᐃᑲᓂ ᓂᐅᕕᕈᒪᔪᖅ ᖃᑦᓯᑖᓚᓂᒃ ᐊᑭᓖᔭᕆᐊᖃᕐᒪᖔᑦ ᐱᖁᑎᓄᑦ ᐅᒡᕙᓘᓐᓃᑦ ᐱᔨᑦᑎᕋᐅᑎᓄᑦ ᐅᑯᐊᓗ ᓇᓗᓇᐃᔭᑦᑎᐊᖅᓯᒪᓲᑦ ᑭᓱᓕᕆᓂᐊᕐᓂᖏᓐᓂᒃ ᓴᓇᔭᐅᔪᖅ
ᑐᒃᓯᕋᖅᑐᑦ ᑐᒃᓯᕋᐅᑎᓂᒃ
ᐅᓇ ᑐᒃᓯᕋᖅᑐᑦ ᑐᒃᓯᕋᐅᑎᓂᒃ ᐊᑐᖅᑕᐅᓲᖅ ᑕᐃᑲᓂ ᓂᐅᕕᖅᑐᖅ ᐃᑲᔪᖅᑕᐅᔪᒪᓪᓗᓂ ᑐᑭᓯᓗᓂ ᖃᓄᐃᓕᖓᓂᐊᕐᒪᖔᑦ ᓴᓇᔭᐅᓂᖓ ᐱᔨᑦᑎᕋᐅᑎᓄᑦ ᐊᒻᒪᓗ ᐱᔨᑦᑎᕋᐅᑎᑦ ᐱᔭᕇᖅᓯᒪᔭᕆᐊᓕᑦ
ᐊᓯᖏᑦᑕᐅᖅ ᐱᓇᓱᐊᖃᑕᐅᓗᑎᒃ ᑐᒃᓯᕋᖅᑐ ᑐᓴᕐᑎᑦᑎᓂᖓ
ᐅᓇ ᑐᒃᓯᕋᖅᑐᖅ ᑐᓴᕐᑎᑦᑎᓂᖓ ᐅᒥᓱᓄᑦ ᓂᐅᕕᖅᑎᑦᑎᔪᓐᓇᖅᑐᓄᑦ. ᐅᓇ ᐊᓯᖏᑦᑕᐅᖅ ᐱᓇᓱᐊᖃᑕᐅᓗᑎᒃ ᑐᒃᓯᕋᖅᑐᖅ ᑐᓴᕐᑎᑦᑎᓂᖓ ᑕᐃᑲᓂ ᓂᐅᕕᖅᑐᖅ ᖃᐃᖁᔨᕗᑦ ᐊᑕᐅᓯᐅᓐᖏᑦᑐᒥᒃ ᓂᐅᕕᖅᑎᑦᑎᓂᐊᖅᑐᓂᒃ ᑐᓂᓯᔪᓐᓇᕐᒪᖔᑕ ᓇᓪᓕᐊᒃ. ᐅᓇ ᑐᒃᓯᕋᖅᑐᖅ ᑐᓴᕐᑎᑦᑎᓂᖓ ᐃᒪᓐᓇᐅᔪᓐᓇᖅᑐᖅ ᐃᓄᓕᒫᓄᑦ ᐱᔪᒥᓴᐅᑎᒋᓗᒍ ᐅᒡᕙᓘᓐᓃᑦ ᑭᓇ ᐱᓇᓱᖁᓗᓂ.
ᐃᓄᓕᒫᓄᑦ ᐱᔪᒥᓴᐅᑎᒋᔭᐅᔪᖅ
ᐅᓇ ᐃᓄᓕᒫᓂᒃ ᐱᔪᒥᓴᐅᑎᖃᖅᑐᖅ ᑕᐃᑲᓂ ᓂᐅᕕᖅᑐᖅ ᓴᕿᔮᕐᑎᑦᑎᓗᓂ ᑐᓴᕐᑎᑦᑎᓗᓂ ᓂᐅᕕᕈᒪᓂᕐᒥᓂᒃ ᖃᕆᓴᐅᔭᒃᑯᑦ ᐅᒡᕙᓘᓐᓃᑦ ᑐᓴᒐᒃᓴᑎᒍᑦ ᐅᖃᓕᒫᕆᐊᓕᒃᑎᒍᑦ
ᑭᓇ ᐱᓇᓱᖁᓗᒍ
ᐅᓇ ᑭᓇᒥᒃ ᐱᓇᓱᖁᔨᓂᖅ ᑕᐃᑲᓂ ᓂᐅᕕᖅᑐᖅ ᐊᐱᕆᓪᓗᓂ ᐊᑕᐅᓯᕐᒧᑦ ᓂᐅᕕᖅᑎᑦᑎᔪᓐᓇᖅᑐᒧᑦ ᖃᑦᓯᑖᓚᐅᓇᔭᕐᒪᖔᑦ. ᑕᐃᒪᖓᓂᑦ ᑐᓂᓯᓲᑦ ᓂᕈᐊᖅᑕᐅᓲᑦ ᐊᑎᖃᕐᕕᖏᓐᓂᑦ ᓄᐊᓯᒪᔪᓂᑦ ᐊᒻᒪᓗ ᑐᓂᔭᐅᔪᓐᓇᖅᑐᑦ ᑕᐃᑲᖓ ᑎᑎᕋᖅᓯᒪᖃᑕᐅᒍᕕᑦ
ᐊᓯᖃᓐᖏᓪᓗᑎᒃ ᑐᒃᓯᕋᖅᑐᒥᑦ ᑐᓴᖅᑎᑕᐅᓗᑎᒃ (ᐅᓇᖅᑕᐅᖅ ᑕᐃᔭᐅᓲᖅ ᐊᑕᐅᓯᖅ ᐃᑲᔪᕈᓐᓇᖅᑐᖅ)
ᐅᓇ ᑐᒃᓯᕋᖅᑐᖅ ᑐᓴᕐᑎᑦᑎᓂᖓ ᐊᑕᐅᓯᕐᒧᑦ. ᐊᓯᖃᓐᖏᓪᓗᑎᒃ ᑐᒃᓯᕋᖅᑐᒥᑦ ᑐᓴᖅᑎᑕᐅᓗᑎᒃ ᐅᓇ ᓂᐅᕕᖅᑐᖅ ᐆᒃᑐᖁᔨᔪᖅ ᑖᔅᓱᒧᖓᑐᐊᖅ ᐊᑕᐅᓯᕐᒧᑦ ᓂᐅᕕᖅᑎᑦᑎᔪᓐᓇᖅᑐᒧᑦ ᑐᓂᓯᖁᓗᒍ ᓴᒡᕙᐅᑎᒥᓂᒃ ᖃᑦᓯᑖᓚᐅᓇᔭᕐᓂᖓᓂᒃ.
ᐊᑕᐅᓯᖅ ᐱᔅᓂᔅᓕᒃ
ᐊᑕᐅᓯᐅᓗᑎᑦ ᐱᔅᓂᔅ ᐱᔭᕐᓂᕐᓂᖅᐹᖅ ᐱᔅᓂᔅᒋᓪᓗᒍ ᓇᖕᒥᓂᖃᕈᓯᖅ ᐋᕿᒃᓯᒪᓂᖓ. ᐊᑕᐅᓯᖅ ᐱᔅᓂᔅᓕᒃ ᑖᓐᓇᑑᒐᒥ ᐃᓄᑑᓪᓗᓂ ᓇᖕᒥᓂᖃᖅᑐᖅ
ᑐᒃᓯᕋᖁᔨᓗᑎᒃ
ᐅᓇ ᐊᑭᓕᐅᑎᒋᔪᓐᓇᖅᑕᒥᓂᒃ ᑐᓴᖅᑎᑕᐅᔪᒪᔪᖅ ᑐᓂᓯᕙᒃᑐᒥᑦ ᐱᑎᑕᐅᓂᐊᕋᒥ ᐱᖁᑎᓂᒃ ᐅᒡᕙᓘᓐᓃᑦ ᐱᔨᑦᑎᕋᐅᑎᓂᒃ ᐊᑭᖓ ᑎᑎᕋᖅᓯᒪᓗᓂ ᐊᒻᒪᓗ ᖃᓄᖅ ᐊᑯᓂᐅᑎᒋᓂᐊᕐᓂᖓ ᐱᔪᒪᔭᒥᖕᓂᒃ ᐋᕿᒃᓱᐃᕙᒌᖅᓯᒪᓂᖅ ᐱᔪᒪᔭᒥᖕᓂᒃ ᐋᕿᒃᓱᐃᕙᒌᖅᓯᒪᓂᖅ ᐊᑐᖅᑕᐅᓲᖅ ᖃᓄᐃᓕᖓᓂᖓ ᐱᔨᑦᑎᕋᐅᑎᑦ ᓇᓗᓇᐃᑦᑎᐊᕈᓐᓇᓐᖏᑎᓪᓗᒋᑦ ᖃᓄᐃᓕᖓᓂᐊᕐᒪᖔᑕ ᐅᒡᕙᓘᓐᓃᑦ ᖃᑦᓯᑖᓚᐅᓇᔭᕐᒪᖔᑕ ᓯᕗᓂᐊᓂ ᐱᔪᒪᔭᐅᑎᓪᓗᒍ. ᑐᓂᓯᔪᖅ ᐅᖓᑖᓄᐊᕈᓐᓇᓐᖏᑦᑐᖅ ᐋᕿᒃᓯᒪᕙᒌᖅᑐᑉ ᐊᑭᑦ. ᐱᔪᒪᔭᒥᖕᓂᒃ ᐋᕿᒃᓱᐃᕙᒌᖅᓯᒪᓂᖅ ᓄᐊᑦᑎᓲᖅ ᐊᒥᓱᓂᒃ ᐊᔪᖏᑦᑐᓂᒃ ᑐᓂᓯᔪᓐᓇᕐᓗᑎᒃ ᓇᓪᓕᐊᖕᓂᑐᐃᓐᓇᖅ ᖃᓄᕆᑦᑐᓂᒃ ᐱᔨᑦᑎᕋᐅᑎᓂᒃ.
ᐱᕕᐅᔪᓐᓇᖅᑐᑦ ᐊᑎᖏᓐᓂᒃ
ᐅᓇᑕᖅᑐᓴᓕᕆᔨᒃᑯᑦ ᐃᒡᓗᓕᐅᖅᑎᖏᑦ ᑲᓇᑕ ᑐᓂᓯᔪᓐᓇᖅᑐᑦ ᐱᕕᐅᔪᓐᓇᖅᑐᑦ ᐊᑎᖏᓐᓂᒃ ᐊᔪᖏᑉᐸᒌᖅᑐᑦ ᑐᓂᓯᔪᓐᓇᕐᓗᑎᒃ ᐱᔨᑦᑎᕋᐅᑎᓂᒃ ᐅᑯᐊᓗ ᑭᖕᖒᒪᒋᔭᐅᔪᑦ ᐊᑯᓚᐃᑦᑑᖃᖅᑕᕐᓗᑎᒃ. ᐅᑯᐊ ᐱᕕᐅᔪᓐᓇᖅᑐᑦ ᑐᓂᓯᔪᓐᓇᖅᑐᑦ ᐊᑎᖏᑦ ᐊᔾᔨᐸᓗᖏᑦ ᑖᒃᑯᓄᖓ ᒐᕙᒃᑯᓂᑦ ᐱᔨᑦᑎᕋᐅᑎᑦ ᐊᒻᒪᓗ ᓇᖕᒥᓂᖃᖅᑐᓕᕆᓂᖅ ᑲᓇᑕ ᐋᕿᒃᓯᒪᔭᖏᑦᑎᑐᑦ.
ᑖᒃᑯᓂᖓ ᐊᒻᒪᓗ ᖃᖓ ᑳᓐᑐᕌᑦ
ᑖᒃᑯᓂᖓ ᐊᒻᒪᓗ ᖃᖓ ᑳᓐᑐᕌᒃᓯᓯᒪᓗᑎᒃ ᑐᓂᓯᓯᒪᓂᐊᖅᑐᓂᒃ ᐊᔪᖏᑎᑦᑎᔪᑦ ᓄᓇᕗᑦ ᒐᕙᒪᒃᑯᑦ ᑐᒃᓯᕋᐅᑎᒃᑯᑦ ᓴᓇᔭᕆᐊᓕᖕᓄᑦ ᐱᔨᑦᑎᕋᖅᑕᐅᓗᑎᒃ ᑭᓯᐊᓂ ᑕᐃᒪᓐᓇᐅᔭᕆᐊᖃᕈᑎᒃ ᐊᒻᒪᓗ ᖃᖓ ᓴᓇᔭᕆᐊᖃᖅᑎᓯᒪᓗᑎᒃ. ᑳᓐᑐᕌᒃᓯᒪᖃᑦᑕᕐᓂᐊᖅᑕᖏᑦ ᐱᔨᑦᑎᕋᐅᑎᖏᑦ ᐅᒡᕙᓘᓐᓃᑦ ᑐᐊᕕᕐᓇᖅᑐᓄᑦ ᐱᔨᑦᑎᕋᖅᑕᐅᖁᔭᖏᓐᓄᑦ.
ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᐊᑐᐊᒐᖅ
ᐅᑯᐊ ᓄᓇᕗᑦ ᒐᕙᒪᒃᑯᑦ ᐊᑐᐊᒐᖃᖅᑐᑦ ᑲᔪᓯᑎᑦᑕᕆᐊᖃᖅᑕᒥᖕᓂᒃ ᓄᓇᕗᑦ ᐊᖏᕈᑎᓂᒃ ᑲᔪᖏᖅᓴᐃᓗᑎᒃ ᐃᓚᐅᑎᑦᑎᑲᓐᓂᕋᓱᒡᓗᑎᒃ ᐃᓄᖕᓂᒃ ᓇᖕᒥᓂᖃᖅᑐᓂᒃ ᐊᒻᒪᓗ ᓄᓇᕗᒻᒥ ᐱᔅᓂᔅᖃᖅᑐᓂᒃ ᑮᓇᐅᔭᓕᐅᕈᑎᒋᓂᐊᖅᑕᖏᓐᓄᑦ ᓇᖕᒥᓂᖃᖅᑐᑦ.

ᑮᓇᐅᔭᒃᓴᓄᑦ ᑐᑭᖏᑦ

ᑮᓇᐅᔭᒃᓴᖅᑖᑦ (ᑕᐃᔭᐅᓲᖑᖕᒥᔪᑦ ᒐᕙᒪᒃᑯᓂᑦ ᑐᓂᕐᕈᓯᐊᑦ)
ᑮᓇᐅᔭᖅ ᑐᓂᔭᐅᔪᖅ ᒐᕙᒪᒃᑯᓐᓂᑦ ᐊᑐᖅᑕᐅᓂᐊᕐᒪᑦ ᑭᓱᒧᑦ. ᑕᐃᒪᖓᓪᓕ, ᐊᑭᑐᓂᖅᓴᐅᕙᒃᑐᖅ ᖃᑦᓯᑖᓚᐅᓂᖓ ᑖᓐᓇᓗ ᐅᓂᒃᑳᓕᐅᕆᐊᖃᖅᑐᖅ ᑭᓱᓄᑦ ᐊᑭᓖᔾᔪᑕᐅᓂᕕᓂᖏᓐᓂᒃ.
ᑮᓇᐅᔭᒃᓴᖅ ᐅᑎᕈᓐᓇᓐᖏᑦᑐᖅ
ᑮᓇᐅᔭᒃᓴᖅ ᑐᓂᔭᐅᔪᖅ ᒐᕙᒪᒃᑯᓂᑦ ᑭᓱᒧᑦ ᐊᑐᖅᑕᐅᓂᐊᖅᑐᖅ ᐅᑎᕈᓐᓇᓐᖏᑦᑐᖅ. ᑕᐃᒪᖓᓪᓕ, ᐊᑭᑐᓗᐊᖅᐸᓐᖏᑦᑐᖅ ᖃᑦᓯᑖᓚᐅᓂᖓ.
ᒐᕙᒪᒃᑯᓂᑦ ᑮᓇᐅᔭᒃᓴᖅᑖᖅ ᐊᖏᕈᑎᓕᒃ
ᐅᓇ ᒪᓕᒐᖅᑎᒍᑦ ᑎᑎᕋᖅ ᐊᕙᑖᓂᑦ ᒐᕙᒪᒃᑯᑦ ᐊᒻᒪᓗ ᑮᓇᐅᔭᒃᓴᖅᑖᖅᑎᑕᐅᔪᑦ. ᐅᓇ ᓇᓗᓇᐃᔭᖅᓯᒪᓲᖅ ᑭᓱᒧᑦ ᑮᓇᐅᔭᒃᓴᐅᖕᒪᖔᑦ ᐊᑐᖅᑕᐅᓂᐊᕐᒪᑦ, ᐅᓂᒃᑳᓕᐅᕆᐊᖃᖅᑐᖅ ᐊᑐᖅᑕᒥᖕᓂᒃ, ᐊᒻᒪᓗ ᖃᖓ ᑮᓇᐅᔭᒃᓴᐃᑦ ᐊᑐᖅᑕᐅᔭᕆᐊᖃᕐᓂᖏᓐᓂᒃ.
ᑮᓇᐅᔭᒃᓴᓂᒃ ᑐᒃᓯᕋᖁᔨᔪᑦ (ᑕᐃᔭᐅᓲᑦᑕᐅᖅ ᑐᒃᓯᕋᐅᑎᓂᒃ ᑐᒃᓯᕋᖅᑐᑦ ᐅᒡᕙᓘᓐᓃᑦ ᑮᓇᐅᔭᒃᓴᓂᒃ ᐆᒃᑐᖁᔨᔪᑦ)
ᐅᓇ ᑐᓴᕐᑎᑦᑎᓂᖅ ᐱᑕᖃᓕᕐᓂᖓᓂᒃ ᑮᓇᐅᔭᒃᓴᓂᒃ ᐅᒡᕙᓘᓐᓃᑦ ᐅᑎᕈᓐᓇᓐᖏᑦᑐᓂᒃ ᑮᓇᐅᔭᒃᓴᓂᒃ ᐱᓕᕆᑎᑦᑎᔾᔪᑕᐅᔪᓄᑦ. ᑮᓇᐅᔭᒃᓴᓂᒃ ᑐᒃᓯᕋᖁᔨᔪᑦ ᓇᓗᓇᐃᖅᓯᒪᑦᑎᐊᓲᑦ ᑭᓲᓂᖏᓐᓂᒃ ᐱᓕᕆᑎᑦᑎᔾᔪᑕᐅᔪᑦ ᑐᑭᑖᕈᑎᒃᓴᓂᒃ, ᑭᓱᒧᑦ ᑮᓇᐅᔭᒃᓴᖅ ᐊᑐᖅᑕᐅᓂᐊᖅᐸ, ᑭᓇ ᐱᓇᓱᒍᓐᓇᖅᐸ, ᐊᒻᒪᓗ ᐊᑯᓂᐅᑎᒋᓂᐊᕐᓂᖓ ᐊᑐᖅᑕᐅᓂᖓᑕ ᑮᓇᐅᔭᒃᓴᖅ.
ᑮᓇᐅᔭᒃᓴᖅᑖᕋᓱᒃᑐᓄᑦ ᑐᑭᒧᐊᒍᑎ
ᐅᓇ ᑎᑎᕋᖅ ᑖᒃᑯᐊ ᐃᓚᖏᑦ ᑮᓇᐅᔭᒃᓴᐃᑦ ᐊᒻᒪᓗ ᑮᓇᐅᔭᒃᓴᐃᑦ ᐅᑎᕈᓐᓇᓐᖏᑦᑐᑦ ᐱᓕᕆᑎᑦᑎᔾᔪᑕᐅᔪᑦ ᑐᓂᓯᓯᒪᓲᑦ ᓇᓗᓇᐃᔭᑦᑎᐊᖅᖢᑎᒃ ᑮᓇᐅᔭᒃᓴᓄᑦ ᐱᓕᕆᑎᑦᑎᔾᔪᑕᐅᔪᑦ ᐊᒻᒪᓗ ᑭᓱᓂᒃ ᑖᓐᓇ ᑮᓇᐅᔭᒃᓴᖅᑖᕋᓱᒃᑐᖅ ᐃᓚᓯᓯᒪᔭᕆᐊᖃᕐᒪᖔᑦ ᑮᓇᐅᔭᖅᑖᕋᓲᑎᒥᖕᓂ ᐅᒡᕙᓘᓐᓃᑦ ᑐᒃᓯᕋᐅᑎᒥᖕᓂ.
ᐱᔪᓐᓇᖅᑐᑦ ᑕᖏᖃᕐᕕᖓ
ᑕᐃᒪᓐᓇᐅᔭᕆᐊᖃᖅᑎᑕᐅᔪᑦ ᑮᓇᐅᔭᒃᓴᓄᑦ ᐱᓕᕆᑎᑦᑎᔾᔪᑕᐅᔪᑦ ᐊᑐᕆᐊᖃᖅᑕᑎᑦ ᐃᓱᒪᒋᔭᐅᓂᐊᕐᓗᑎᑦ ᑮᓇᐅᔭᒃᓴᖅᑖᕈᓐᓇᕐᒪᖔᖅᐱᑦ.
ᑐᒃᓯᕋᖅᑎ (ᑕᐃᔭᐅᓲᖅᑕᐅᖅ ᑮᓇᐅᔭᒃᓴᖅᑖᕋᓱᒃᑐᖅ) – ᐅᓇ ᐃᓄᒃ, ᐱᔅᓂᔅ ᐅᒡᕙᓘᓐᓃᑦ ᓇᖕᒥᓂᖃᖃᑕᐅᔪᑦ ᑮᓇᐅᔭᒃᓴᖅᑖᕋᓱᒃᑐᖅ.
ᑮᓇᐅᔭᖅᑖᕋᓲᑎ
ᐅᓇ ᑕᑕᑎᕆᐊᓕᒃ ᑐᓂᔭᐅᓯᒪᔪᖅ ᒐᕙᒪᒃᑯᓂᑦ ᑖᒃᑯᐊ ᑮᓇᐅᔭᒃᓴᖅᑖᕋᓱᒃᑐᑦ ᑕᑕᑎᕆᐊᖃᖅᑕᖏᑦ ᑮᓇᐅᔭᒃᓴᖅᑖᕐᓂᐊᕐᒪᑕ. ᐊᐱᕆᓯᒪᔪᑦ ᑭᓇᐅᓂᕐᓂᒃ, ᑐᒃᓯᕋᖅᑕᐃᑦ ᓴᓇᓂᐊᖅᑕᐃᑦ, ᑐᑭᓕᐅᕈᑕᐅᕙᓪᓕᐊᔪᑦ ᓴᓇᔭᑦᓯᓐᓄᑦ ᐊᒻᒪᓗ ᖃᓄᖅ ᐊᑭᑐᑎᒋᓂᐊᖅᐸ ᓴᓇᔭᓯ. ᐃᓛᓐᓂᒃᑯᑦ ᑭᓯᐊᓂ ᖃᕆᓴᐅᔭᒃᑯᑦ ᑕᑕᕆᓗᓂ.
ᐱᓕᕆᐊᒃᓴᖅ ᑮᓇᐅᔭᖅᑑᑎᒃᓴᖓ
ᓇᓗᓇᐃᔭᑦᑎᐊᖅᓯᒪᓗᒍ ᐊᕿᒃᓱᖅᓯᒪᑦᑎᐊᕐᓗᒋᑦ ᓴᓇᓂᐊᖅᑕᕕᑦ ᐊᑭᖏᑦ ᐊᑯᓂᐅᓂᖓᓗ ᑎᑎᕋᖅᓯᒪᓗᖏᑦ ᓴᓇᔭᕕᑦ. ᑕᐃᒪᖓᓂ ᑮᓇᐅᔭᒃᓴᖅᑖᖁᔨᔪᑦ ᑮᓇᐅᔭᖅᑑᑎᒃᓴᓂᒃ ᑎᑎᕋᕐᕕᒃᓴᖃᖅᐸᒌᖅᑐᑦ ᑖᒃᑯᐊ ᑮᓇᐅᔭᒃᓴᖅᑖᕋᓱᒃᑐᖅ ᑕᑕᑎᕐᓗᓂᒋᑦ.
ᓴᓇᔭᒃᓴᐃᑦ ᓴᓇᔭᐅᕙᓪᓕᐊᓂᖓᓄᑦ ᐸᕐᓇᐅᑎᖓ (ᑕᐃᔭᐅᓲᖅᑕᐅᖅ ᑕᒪᒃᑭᕐᓗᒍ ᓴᕿᑎᓪᓗᒍ ᓴᓇᔭᒃᓴᐃᑦ)
ᐅᓇ ᓇᓗᓇᐃᔭᑦᑎᐊᖅᓯᒪᔪᖅ ᐸᕐᓇᐅᑎ ᖃᓄᖅ ᓴᓇᔭᐃᑦ ᑐᓂᔭᐅᓂᐊᕐᓂᖓᓂᒃ. ᓴᓇᔭᐅᕙᓪᓕᐊᓂᖓᓄᑦ ᐸᕐᓇᐅᑎᑦ ᐃᓚᖃᖅᑐᑦ ᑐᓴᐅᒪᓂᐊᖅᑕᑦᓯᓐᓂᒃ ᓲᕐᓗ ᖃᓄᐃᑉᐸᓪᓕᐊᓂᐊᕐᓂᖓᑕ ᓴᓇᔭᐃᑦ, ᑭᒃᑯᑦ ᐃᓚᐅᕙᑦ ᐊᑐᓂ ᐱᕙᓪᓕᐊᓂᕆᓂᐊᖅᑕᕐᓄᑦ, ᐊᒻᒪᓗ ᓴᓇᔭᕐᓂᑦ ᑐᓂᓯᓯᒪᓂᐊᕐᓂᖓ.
ᐱᓕᕆᔪᓐᓇᖅᓂᑦ ᑐᓴᕈᒪᔪᑦ
ᐃᓛᓐᓂᒃᑯᑦ ᑐᒃᓯᕋᖁᔨᓲᑦ ᐱᓕᕆᔪᓐᓇᖅᑐᓂᑦ ᑐᓴᕈᒪᓲᑦ ᑖᓐᓇᓗ ᐱᔭᕇᖅᑕᐅᓗᓂ ᐃᓚᒋᓪᓗᒍ ᑮᓇᐅᔭᒃᓴᖅᑖᕋᓲᑎᑦ ᐱᓕᕆᔭᐅᓂᖏᑦᑎᒍᑦ. ᐅᓇ ᑐᓂᓯᔪᓐᓇᓲᖅ ᑭᓯᐊᓂ ᐊᑭᑐᔫᑎᓪᓗᒋᑦ ᓴᓇᔭᐅᔪᑦ ᓇᓗᓇᐃᑦᑎᐊᖅᓯᒪᒋᐊᖃᖅᑐᑦ ᐊᒻᒪᓗ ᑮᓇᐅᔭᖅᑑᑎᒃᓴᖏᑦ ᑎᑎᕋᖅᓯᒪᓗᑎᒃ. ᐅᓇ ᐊᑐᖅᑕᐅᓲᖅ ᖃᓅᑎᒋᓇᔭᕐᒪᖔᑕ ᒐᕙᒪᒃᑯᑦ ᐱᔪᒪᓗᑎᒃ ᑮᓇᐅᔭᒃᓴᖃᖅᑎᑦᑎᔪᓐᓇᕐᓗᑎᒃ ᓴᓇᔭᐅᖁᔭᒥᖕᓂᒃ. ᐱᑎᑕᐅᔪᓐᓇᖅᑐᑎᑦ ᑕᒪᑐᒥᖓ ᐱᓕᕆᔪᓐᓇᖅᑐᓄᑦ ᑮᓇᐅᔭᒃᓴᖅᑕᖃᕐᓂᖓᓂᒃ ᑐᓂᓯᖁᔭᐅᓗᑎᑦ ᑕᒪᕐᒥᒃ ᐱᔪᒪᓗᒍ ᑮᓇᐅᔭᒃᓴᓄᑦ ᑐᒃᓯᕋᐅᑎᒃᑯᑦ ᐅᒡᕙᓘᓐᓃᑦ ᑮᓇᐅᔭᒃᓴᖅᑖᕋᓲᑎᑦᑎᒍᑦ.
ᑮᓇᐅᔭᒃᓴᖃᕐᑎᑦᑎᓂᖅ ᐱᕈᕈᑎᒃᓴᓄᑦ ᐅᒡᕙᓘᓐᓃᑦ ᐊᑐᖅᑐᐊᕐᑎᑦᑎᓂᖅ
ᐅᓇ ᑮᓇᐅᔭᒃᓴᖅ ᑐᓂᔭᐅᓲᖅ ᐱᔅᓂᔅᓄᑦ ᐅᑎᖅᑎᓐᓂᐊᕐᓗᒍ ᑖᓐᓇ ᑮᓇᐅᔭᖅ ᖃᖓᓗ ᐊᑭᓕᐊᓂᒋᐊᖃᓛᖅᑕᐃᑦ. ᐅᓇ ᕿᑐᕐᖏᐅᕈᑎᖃᓐᖏᑦᑐᖅ ᐅᒡᕙᓘᓃᑦ ᕿᑐᕐᖏᐅᕈᑎᖃᕐᑎᑦᑎᔪᓐᓇᖅᑐᖅ.
ᒐᕙᒪᒃᑯᓂᑦ ᑮᓇᐅᔭᒃᓴᖅᑖᖅ ᐅᒡᕙᓘᓐᓃᑦ ᑮᓇᐅᔭᒃᓴᖃᕐᑎᑦᑎᓂᖅ
ᐅᓇ ᑮᓇᐅᔭᖅ ᑐᓂᔭᐅᓲᖅ ᐱᔅᓂᔅᓄᑦ ᐅᑎᖅᑎᑕᕆᐊᖃᓐᖏᑑᓪᓗᓂ. ᑕᐃᒪᖓᓂ ᐃᑲᔫᓯᐊᖅ ᐊᖏᔫᕙᒃᑐᑦ ᐊᑭᑐᔫᓪᓗᑎᒃ ᐅᑯᐊᓗ ᐅᓂᒃᑳᓂ ᑐᓂᓯᔭᕆᐊᖃᕐᑎᑦᑎᓲᑦ.
ᑮᓇᐅᔭᒃᓴᖅ ᐅᑎᕈᓐᓇᓐᖏᑦᑐᖅ
vᐅᓇ ᑮᓇᐅᔭᖅ ᑐᓂᔭᐅᓲᖅ ᐱᔅᓂᔅᓄᑦ ᐅᑎᖅᑎᑕᕆᐊᖃᓐᖏᑐᖅ. ᑕᐃᒪᖓᓪᓕ, ᑮᓇᐅᔭᒃᓴᖅ ᐅᑎᕈᓐᓇᓐᖏᑦᑐᖅ ᐊᑭᑐᓗᐊᖅᐸᓐᖏᑦᑐᖅ ᖃᑦᓯᑖᓚᐅᓂᖓ.
ᓇᖕᒥᓂᖃᕈᓯᖓᓂᒃ ᐸᕐᓇᐅᑎᑦ
ᐅᓇ ᓇᖕᒥᓂᖃᕈᓯᖓᓂᒃ ᐸᕐᓇᐅᑎᑦ ᓇᓗᓇᐃᔭᖅᓯᒪᔪᖅ ᐃᒡᕕᑦ ᐱᔅᓂᔅᖓᓂᒃ ᖃᓄᐃᓕᐅᕈᑎᖕᓂᒃ ᐊᒻᒪᓗ ᑐᑭᓕᐅᕈᑎᒋᕙᓪᓕᐊᔭᕐᓂᒃ, ᐊᒻᒪᓗ ᖃᓄᖅ ᐱᔅᓂᔅ ᑐᕌᕆᔭᖃᕐᒪᖔᑦ. ᐅᓇ ᐊᑐᕐᓂᐊᖅᑕᖏᓐᓂᒃ ᐋᕿᒃᓱᖅᓯᒪᔪᖅ ᐱᔅᓂᔅᒥᓄᑦ ᓂᐅᕐᕈᓯᕆᓂᖅ, ᑮᓇᐅᔭᓕᕆᓂᖓ, ᐊᒻᒪᓗ ᐊᐅᓚᑦᑎᔾᔪᑎᑦ ᖃᓄᐃᓕᐅᕈᓯᑦ.
ᐊᑭᓕᖅᓱᐃᖃᑎᒌᒃᑎᑦᑎᓂᖅ
ᑕᐃᑲᓂ ᓴᓇᔭᐅᔪᖅ ᑮᓇᐅᔭᒃᓴᖃᖅᑎᑕᐅᑎᓪᓗᒍ ᐊᔾᔨᒌᓐᖏᑦᑐᓂᑦ ᐊᐅᓚᑦᓯᔨᓂᑦ. ᑮᓇᐅᔭᒃᓴᖃᖅᑐᑦ ᐱᓕᕆᑎᑦᑎᔾᔪᑕᐅᔪᖅ ᑕᐃᒪᖓᓂ 100%-ᒥᒃ ᑮᓇᐅᔭᒃᓴᖃᕐᑎᑦᑎᔮᓐᖏᑦᑐᖅ ᓴᓇᔭᕐᓄᑦ ᐊᒻᒪᓗ ᑮᓇᐅᔭᒃᓴᓂᒃ ᐱᓇᓱᒋᐊᖃᕐᓂᐊᖅᑐᑎᑦ ᐊᓯᖏᓐᓂᑦ.
ᑮᓇᐅᔭᐅᓐᖏᑦᑐᓂᒃ ᐃᑲᔫᓯᐊᑦ
ᓴᓇᔭᐅᔪᖅ ᐃᑲᔪᖅᑕᐅᔪᖅ ᑳᓯᐅᓐᖏᑦᑐᓂᒃ ᐃᑲᔫᓯᐊᖅᑐᖅ ᑮᓇᐅᔭᐅᓐᖏᑦᑐᓂᒃ. ᓲᕐᓗ ᓴᓇᔪᖅ, ᐊᑐᖅᓗᑎᑦ ᓴᓇᕐᕈᑎᓂᒃ, ᐅᒡᕙᓘᓐᓃᑦ ᓴᓇᔭᐃᑦ ᐊᐅᓚᑦᑎᓂᕐᒧᑦ ᐃᑲᔪᖅᑕᐅᓗᑎᑦ ᐊᑭᓖᑎᑦᑎᓐᖏᓪᓗᑎᒃ.
ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐱᓕᕆᐊᖑᔪᖅ
ᒥᑭᔪᖅ ᓴᓇᔭᐅᔪᖅ ᖃᐅᔨᓴᕈᑎ ᐃᓱᒪᓕᕈᑕᐅᓯᒪᓂᖓᓄᑦ ᐊᒻᒪᓗ ᐃᓕᑦᑎᕕᒋᓂᐊᕋᑦᑎᒍᑦ ᖃᓄᖅ ᐱᐅᓯᕚᓪᓕᕈᓐᓇᕐᒪᖔᑦ. ᓲᕐᓗ, ᖃᐅᔨᓴᕐᓗᒍ ᐱᓕᕆᑎᑦᑎᔾᔪᑕᐅᔪᖅ ᐊᑕᐅᓯᕐᒥ ᓄᓇᓕᖕᓂ ᑐᓐᓂᖁᑎᒋᓚᐅᓐᖏᓂᖓᓂ ᐱᓕᕆᑎᑦᑎᔾᔪᑕᐅᔪᖅ ᑕᒪᐃᓐᓄᑦ ᓄᓇᓕᖕᓄᑦ.
ᐊᑭᑐᔪᓄᑦ ᑮᓇᐅᔭᒃᓴᖅ
ᑮᓇᐅᔭᖅ ᑐᕌᖅᑐᖅ ᓱᓇᒃᑯᑖᑦ ᓇᑉᐸᕆᐊᓕᖕᓄᑦ ᐱᓕᕆᐊᖑᔪᓄᑦ ᓲᕐᓗ ᐸᕐᓇᐃᓂᖅ ᐊᒻᒪᓗ ᐃᒡᓗᓕᐅᖅᐸᓪᓕᐊᔪᓄᑦ, ᐃᒡᓗ ᓄᕌᕈᖅᑎᑕᐅᓂᖓᓄᒃ, ᐅᒡᕙᓘᓐᓃᑦ ᓄᓇᒥᑦ ᐆᒻᒪᖁᑎᖃᐅᑎᒃᓴᓄᑦ.