ᓂᕿᒃᓴᖃᕐᑎᑦᑎᓂᖅ ᐃᖏᕐᕋᓯᒋᐊᕐᓂᐊᓕᖅᑐᖅ
ᓴᕿᑦᑎᓂᐊᕐᒪᑕ ᓂᕿᒃᓴᖃᕐᑎᑦᑎᓂᕐᒧᑦ ᕿᑭᖅᑕᓂ ᐃᓄᖕᓂᑦ, ᕿᑭᖅᑕᓂ ᐃᓄᖕᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᕿᑭᖅᑖᓗᒃ ᑯᐊᐳᕆᓴᓐ ᓇᖕᒥᓂᖁᑎᖏᓪᓗ ᐃᑲᔪᖃᑎᒌᒃᑐᑦ ᑐᕌᖅᑕᒥᖕᓄᑦ ᑎᑭᐅᑎᓇᓱᒃᑐᑦ ᓂᕿᒃᓴᖃᕐᑎᑦᑎᓂᖅ ᓇᓂᑐᐃᓐᓇᖅ ᑕᒪᐃᓐᓂ ᕿᑭᖅᑕᓂ ᓄᓇᓕᖕᓂ. ᑕᐃᒪᓗ ᓴᖕᖏᓂᖅᑖᕐᑎᑦᑎᔪᒪᕗᒍᑦ ᐃᓄᖕᓂᒃ ᓂᕿᖃᕐᑎᑦᑎᓗᑎᑦ ᓄᓇᓕᖕᓄᑦ. ᑲᑎᒪᑎᓪᓗᒋᑦ ᐊᖑᓇᓱᒃᑎᑦ ᐊᓯᕙᖅᑎᑦ, ᓂᕿᓕᕆᕙᒃᑐᑦ, ᐱᕈᖅᓰᔪᑦ, ᐃᓐᓇᑐᖃᐃᑦ, ᒪᒃᑯᒃᑐᑦ, ᐱᔅᓂᔅ, ᐊᒻᒪᓗ ᓂᕿᑖᖅᑎᑕᐅᕙᒃᑐᑦ, ᑐᕌᖅᐳᒍᑦ ᓴᕿᑦᑎᓗᑕ ᐊᕕᒃᑐᖅᓯᒪᔪᓂ ᓂᕿᓴᓕᕆᓂᖅ ᐃᑲᔪᕐᓂᐊᖅᑐᖅ ᐃᓄᖕᓂᒃ ᓇᑭᑐᐃᓐᓇᖅ ᓂᕿᑖᕆᔪᒪᔭᖏᓐᓄᑦ. ᐅᓇ ᑕᒪᑐᒥᖓ ᐱᕚᓪᓕᕆᐊᖅᑎᑦᑎᓂᖅ ᓂᑭᓴᖃᕐᑎᑦᑎᓂᕐᒧᑦ ᓄᓇᕗᒻᒥ ᐊᔪᕈᓐᓃᕐᑎᑦᑎᓂᐊᖅᑐᖅ ᐃᓄᖕᓂᒃ ᐊᖑᓇᓱᒍᓐᓇᕐᓗᑎᒃ ᐆᒪᔪᓕᒫᑦ ᐊᕙᑎᓕᒫᖏᓪᓗ ᖃᓄᐃᓕᑎᑉᐸᓪᓕᐊᓐᖏᓪᓗᒋᑦ ᐊᒻᒪᓗ ᓄᖑᑉᐸᓪᓕᐊᓐᖏᔾᔪᑎᒃᓴᓂᒃ ᐊᑐᖅᓯᓗᑎᒃ, ᑕᐃᑲᓂ ᐱᔪᓐᓇᕐᓗᒋᑦ ᓂᕿᓪᓚᑖᑦ ᑕᐃᒫᒃ ᓴᖕᖏᓂᖃᕈᑕᐅᓂᐊᕐᓗᑎᒃ ᓄᓇᓕᑦᑎᓐᓄᑦ ᐊᒻᒪᓗ ᓄᓇᓕᖕᓂ ᑮᓇᐅᔭᓕᐅᕈᑕᐅᓗᑎᒃ.
ᓇᓗᓇᐃᖅᑕᐅᓯᒪᔪᖅ ᓄᓇᕗᑦ ᑐᓐᖓᕕᒃ ᑎᒥᖓ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐃᓄᖕᓂᒃ ᓂᕿᒃᓴᖃᕐᑎᑦᑎᓂᖅ ᐃᒪᓐᓇ ᑐᑭᖃᖅᑐᖅ
- ᓂᕿᑦᑎᐊᕙᖕᓂᒃ ᐊᒻᒪᓗ ᑎᒥᒧᑦ ᐃᑲᔫᑎᓂᒃ ᓂᕿᖃᕆᐊᖃᖅᑐᑦ,
- ᐱᐅᓯᑐᖃᖏᓐᓄᑦ ᐊᑑᑎᖃᖅᑐᓂᒃ ᓂᕿᖃᕆᐊᖃᖅᑐᑦ,
- ᐊᖑᓇᓱᒋᓐᓇᕆᐊᖃᖅᑐᑦ ᓄᓇᒥᑦ ᐆᒪᔪᓕᒫᓪᓗ ᐊᑐᖅᓯᑦᑎᐊᕐᓗᑎᒃ ᐊᒻᒪᓗ ᓄᖒᑦᑎᕙᓪᓕᐊᓐᖏᓪᓗᑎᒃ ᐊᐅᓚᑕᐅᓗᑎᒃ ᓄᓇᕗᒻᒥ ᐊᖏᕈᑎᑦ ᐆᒪᔪᓕᕆᓂᕐᒧᑦ ᐊᐅᓚᑦᑎᔾᔪᑕᐅᔪᑎᒍᑦ, ᐊᒻᒪᓗ;
- ᐱᔪᓐᓇᖅᑎᑕᐅᔭᕆᐊᓕᑦ ᓂᕐᔪᑎᓂᒃ ᑖᒃᑯᐊᓗ ᐊᔪᕈᓐᓃᖅᑎᑦᑎᓂᐊᖅᑐᑦ ᓄᓇᓕᖕᓂᒃ ᐊᒻᒪᓗ ᐱᕚᓪᓕᕈᑎᒋᔪᓐᓇᕆᐊᖃᖅᑕᖏᑦ ᓄᓇᓕᖕᓂ ᑮᓇᐅᔭᓕᐅᕈᓇᐅᑎᓗᑎᒃ.
ᕿᑭᖅᑖᓗᒃ ᓇᒻᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓴᕿᑦᑎᓯᒪᔪᑦ ᐊᒥᓱᓂᒃ ᑎᑎᖃᓂᒃ ᐃᑲᔫᑎᒃᓴᓄᑦ ᓂᕿᒃᓴᖃᕐᑎᑦᑎᓂᕐᒧᑦ ᖃᐅᔨᒪᔨᒋᔭᐅᓂᕐᒧᑦ ᕿᑭᖅᑕᓂ:
