ᖃᐃᓂᐊᓕᖅᑐᖓ

ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᐱᓕᕆᐊᖑᔪᓄᑦ ᐊᐅᓚᑦᓯᔨᐅᓚᐅᖅᑐᑦ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᖅᑐᖅᓴᕐᕕᖓᓄᑦ ᑕᒪᐃᓐᓄᑦ ᐆᒻᒪᖁᑎᖃᐅᑎᒃᓴᖏᑦ ᐋᕿᒃᓱᖅᑕᐅᑎᓪᓗᒋᑦ. ᕿᑭᖅᑖᓗᒃ ᓇᒻᒥᓂᖁᑎᖏᑦ ᑎᒥᖓ ᓂᐅᕕᓚᐅᖅᑐᖅ ᑐᔪᕐᒥᕕᑐᖃᕐᒥᒃ 2017 ᐊᒻᒪᓗ ᒫᓐᓇ ᐊᑐᖅᑕᐅᑎᑕᖓ ᐃᒡᓗ ᓄᓇᕗᒻᒥ ᐅᑭᐅᖅᑕᖅᑐᒧᑦ ᓯᓚᑦᑐᖅᓴᕐᕕᒃ. ᐅᓇ ᐊᑐᖅᑕᐅᔪᖅ ᐃᓕᓐᓂᐊᖅᑐᓂᑦ ᐊᖏᕐᕋᕆᔭᐅᓪᓗᓂ ᓂᕆᕕᖃᖅᖢᓂ, ᑎᑎᕋᕐᕕᖃᖅᖢᓂ ᐊᒻᒪᓗ ᐃᓕᓐᓂᐊᕐᕕᖃᖅᖢᓂ.

ᐅᓇ ᐋᕿᒋᐊᖅᑕᐅᓯᒪᓂᖓ ᓴᓇᔭᐅᓯᒪᓂᖓ ᐊᑐᖅᑐᖅ 86 ᑭᓗᒍᐊᑦ ᐃᒡᓗ ᖄᖓᒍᑦ ᓯᕿᓂᕐᒥᑦ ᐆᒻᒪᖁᑎᖃᐅᑎᖃᖅᖢᓂ, ᐃᑭᐊᒃᓴᐅᑖ, ᐊᖏᔪᒥᒃ ᐱᐅᓯᕚᓪᓕᖅᓯᒪᔪᖅ ᐃᒡᓗ ᐃᓚᔭᐅᒐᒥ ᐱᖓᓱᓂᒃ ᖃᓕᕇᓕᑦ ᐃᓚᒑᑦ, ᐊᒻᒪᓗ ᓄᑖᖑᖅᑎᓪᓗᒋᑦ ᖃᐅᒻᒪᖁᑎᖏᑦ ᐊᑐᓗᐊᓐᖏᑦᑐᓂᒃ ᐊᒻᒪᓗ ᐅᕕᑕᖅᑐᖏᑦ ᑯᕕᓗᐊᖅᑎᑐᓃᖅᖢᒋᑦ. ᐆᒻᒪᖁᑎᖃᐅᑎᒃᓴᖅ ᓴᓇᓯᒪᓂᖓ 62 ᐳᓴᑎ ᐆᒻᒪᖁᑎᖃᐅᑎᓂᒃ ᐊᑐᓗᐊᓐᖏᑎᑦᑎᔪᖅ ᐋᕿᒋᐊᖅᓯᒪᓕᖅᑎᓪᓗᒍ. ᐅᓇ ᑐᑭᖃᖅᑐᖅ ᐊᑦᑎᒃᓯᓂᐊᖅᑐᑦ ᐸᐅᖅ ᐃᓯᐊᕿᔪᖅ ᒐᓯᓂᑦ ᑕᒫᓂ 352 ᑖᓐᔅ ᐊᕐᕌᒍᑕᒫᑦ ᐅᓇᓗ ᓇᓕᖃᓗᐊᖓ 60 ᓄᓇᓯᐅᑎᑦ ᐃᖏᕐᕋᓐᖏᒃᑯᑎᒃ ᐊᕐᕌᒍᑕᒫᑦ.

ᐅᓇ ᐱᓕᕆᐊᖑᔪᖅ ᐃᓚᖃᓚᐅᖅᑐᖅ ᐃᓄᖏᑦ ᐃᓕᓐᓂᐊᖅᑎᑕᐅᓪᓗᑎᒃ ᑖᒃᑯᐊ ᐃᓕᓐᓂᐊᖅᑐᑦ ᖃᓄᖅ ᐱᐅᓯᕚᓪᓕᕐᑎᑦᑎᓯᒪᔪᓐᓇᕐᓂᖏᑦ ᐆᒻᒪᖁᑎᖃᐅᑎᑦ ᐊᑐᓗᐊᖅᑕᐃᓕᓂᕐᒧᑦ.

ᐅᓇ ᑕᒪᐃᓐᓄᑦ ᐆᒻᒪᖁᑎᖃᐅᑎᖏᑦ ᓈᒻᒪᒃᓯᓕᖅᑕᐅᓯᒪᔪᑦ ᐃᓚᖓ ᑮᓇᐅᔭᒃᓴᖃᖅᑎᑕᐅᓚᐅᖅᑐᖅ ᓄᓇᒥᐅᑕᓕᕆᔨᒃᑯᑦ ᑲᓇᑕ. ᐅᓇ ᐃᓕᓐᓂᐊᕐᑎᑦᑎᔾᔪᑕᐅᓂᐊᕐᒪᑦ ᓴᓇᔭᐅᔪᖅ ᐃᑲᔪᕐᓗᒋᑦ ᑲᓇᑕᒥᐅᑦ ᐊᒻᒪᓗ ᑎᐅᓕᑐᐊᓕᔅᓄᑦ ᑕᒪᒃᑯᓂᖓ ᐃᒡᓗᓂᒃ ᐆᒻᒪᖁᑎᖃᐅᑎᑦ ᒥᒃᓵᓄᑦ ᒪᓕᒋᐊᖃᖅᑐᓂᒃ ᐊᒻᒪᓗ ᓇᓗᓇᐃᖅᓯᔾᔪᑕᐅᓗᓂ ᑲᔪᓯᔪᓐᓇᕐᓂᖓᓂ ᐅᑭᐅᖅᑕᖅᑐᒥ ᑕᒪᐃᓐᓄᑦ ᐆᒻᒪᖁᑎᖃᐅᑎᖃᕈᓐᓇᕐᓂᖅ ᓈᒻᒪᒃᓯᓕᖅᓯᒪᔪᓂᒃ.